काठमाडौँ — गोल्डेन गेट र बूढानीलकण्ठ शनिबार समृद्धि यू–१९ राष्ट्रिय बास्केटबल प्रतियोगिताको पुरुषतर्फ क्वाटरफाइनल पुगेका छन् ।
गोल्डेनगेटले रोयल्सलाई ८५–६७ स्कोरले हरायो । गोल्डेनगेटका उर्गेनले २० स्कोर जोडे । बूढानीलकण्ठले योद्धालाई ७४–४२ ले पराजित गर्दा प्रसोन मल्ल ठकुरीको १९ स्कोरको योगदान रह्यो ।
अन्य प्रतिस्पर्धामा टाइम्सले समृद्धिलाई ९०–४९, आईएसए नेपालले ट्रिनिटीलाई ७६–४७, स्नोल्यान्डले एन्जल्स हार्टलाई ८२–७१, ग्रिनफिल्डले हृवाइटहाउसलाई ८६–७३ र सीसीआरसीले टाइमआउट नेपाललाई ८५–६७ ले हराए ।
टाइम्सका अधुले १८, आईएसएका विवेकले ४०, स्नोल्यान्डका समुन्नत गुरुङले २४, ग्रिनफिल्डका शशांक कार्कीले २९ र सीसीआरसीका प्रनिश तिमल्सिनाले २६ स्कोर गरेका थिए । समृद्धि स्कुलको सहकार्यमा नेपाल बास्केटबल संघद्वारा प्रतियोगितामा भइरहेको हो ।
