काठमाडौं । राष्ट्रिय स्वतन्त्र पार्टी ९रास्वपा०का सभापति रवि लामिछानेले आफ्नो बैंक खातामा पैसा जम्मा नभएको बताएका छन् । सोमबार रवि लामिछानेको खातामा १ करोड ८० रुपँया जम्मा भएको समाचार स्लिप सहित सार्वजनिक भएपछि उनले आज पत्रकार सम्मेलन गरी बैंक खातामा पैसा जम्मा नभएको बताएको हुन् । उनले
कम्पनीको सेयर मिलान गर्न व्यवस्थापनले आफ्नो नाममा पैसा जम्मा गर्न चेक बैंकलाई दिएको भए पनि खातामा पैसा नआएको उनले बताए ।
सोमबार पत्रकार सम्मेलनमा उनले उनले यो किर्तेको सिकार भएको बताए । “मेरो खातामा चेक जम्मा गर्न भौचर भरियो । तर, त्यो चेक मेरो खातामा जम्मा भएन फिर्ता गयो,” उनले भने, “केही कारणले पैसा जम्मा भएन होला । तर, डिपोजिट गरेको सिलिप बैंकले दिएको हुन सक्छ ।” उनले मिसलिडिङ गरेर आफुलाई सहकारी ठग स्थापित गर्न खोजेको आरोप समेत लगाएका छन् ।
त्यस्तै, रास्वपाका प्रशिक्षण विभाग प्रमुख अनिल केशरी शाहले पनि बैंकले स्पष्ट पारेर पत्र दिएको बताए । बैंकिङ क्षेत्रमा चेक डिपोजिट गर्दा र पैसा जम्मा गर्दा फरक पर्ने बताए । पैसा खातामा नभए पनि चेक रिसिप गर्न भौचर गरिने र त्यसमा जम्मा गर्ने बैंकको सम्पूर्ण विवरण आउने उनले बताए । यता ग्लोबल बैकले डिपोजिट भएको चेक नपुग भएकाले फिर्ता गरिएको स्पष्ट पारेको छ ।
