कास्कीको पोखरामा शनिबार बस दुर्घटना भएको छ । ब्रेक नलागेर दुर्घटना भएको बसको तस्वीर यतिबेला सामाजिक सञ्जालमा भाइरल भएको छ ।
लेखनाथ क्षेत्रको अर्चलेमा बिहान साढे ९ बजेतिर ग १ ख ८०८६ नम्बरको बस सडकको बीच भागमा दुर्घटना भएको हो । दुर्घटना भएको बसको अगाडिको भाग सडकमा परेर बस त्यहीँ ठडिएको छ ।
घुम्तीमा ब्रेक नलाग्दा बस सडकमा पल्टेको प्रारम्भिक जानकारी आएको जिल्ला प्रहरी कार्यालय कास्कीले जनाएको छ । दुर्घटनामा चालक टिकाराम विक र सहचालक शालिग्राम सुवेदी घाइते भएका छन् ।
दुवैलाई पश्चिमाञ्चल क्षेत्रीय अस्पताल लगिएको र अवस्था सामान्य रहेको प्रहरी निरीक्षक शर्माले बताए । दुर्घटना भएको बसमा यात्रु थिएनन् । बस पोखरातर्फ आउँदै थियो ।
