काठमाडौं । असोज २४ गते रिलिज हुने चलचित्र ‘छक्का पञ्जा–५’को फर्स्टलुक पोस्टर सार्वजनिक गरिएको छ । चलचित्रका निर्माता तथा कलाकार दीपकराज गिरी, निर्देशक दीपाश्री निरौलालगायतले सामाजिक सञ्जाल फेसबुकमा पोस्टर सार्वजनिक गरेका छन् ।
पोस्टरमा दीपकराज गिरी, केदार घिमिरे र वर्षा शिवाकोटी फिचर्ड छन् । चलचित्रलाई दीपाश्री निरौलाले निर्देशन गर्नेछिन् ।
चलचित्र केही दिनमै छायांकनमा जाँदै छ । यस अघिको छक्का पञ्जा १ देखि ४ सम्मका सबै चलचित्र सोही टिमले बनाएको थियो ।
