सुनको मूल्य तोलामा १२ सय रुपैयाँ घट्यो

काठमाडौं । आइतबार स्थानीय बजारमा सुनको मूल्य १२ सय रुपैयाँ घटेर कारोबार भएको छ । आज एक लाख ५२ हजार १०० रुपैयाँमा कारोबार भइरहेको छ ।

गत शुक्रबार एक लाख ५३ हजार ३०० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । यो मूल्य हालसम्मकै उच्च हो ।

आज चाँदीको मूल्य पनि घटेर कारोबार भएको छ । आज चाँदी ४५ रुपैयाँ घटेर एक हजार ७५० रुपैयाँ कारोबार भएको हो ।