काठमाडौँ । आजको बस्ने भनिएको नेकपा (माओवादी केन्द्र)को स्थायी कमिटी बैठक स्थगित भएको छ।
अध्यक्ष पुष्पकमल दाहाल प्रचण्डको कार्यव्यस्तताका कारण शनिबारका लागि तय भएको बैठक स्थगित भएको हो।
बैठक आइतबार बिहान ८ बजे बस्ने माओवादी केन्द्रले जनाएको छ ।
माओवादीको केन्द्रीय कमिटी बैठक पनि आइतबार बस्दै छ। केन्द्रीय कमिटी बैठकको तयारीबारे स्थायी कमिटीमा बिहीबारदेखि छलफल भइरहेको थियो।
