काठमाडौं । अख्तियार दुरुपयोग अनुसन्धान आयोगले बाराको कलैया उपमहानगरपालिकाका तत्कालीन प्रमुख प्रशासकीय अधिकृत प्रल्हालप्रसाद वर्णवाल समेत पाँचजनाविरुद्ध भ्रष्टाचार मुद्दा दायर गरेको छ ।
उनीहरूले ५१ लाख ९९ हजार १२० रुपैयाँ भ्रष्टाचार गरेको ठहर गर्दै अख्तियारले मंगलबार विशेष अदालत काठमाडौंमा मुद्दा दायर गरेको हो ।
अख्तियारले मुद्दा दायर गरेका अन्यमा कलैया उपमहानगरपालिकाका शिक्षा अधिकृत विजय अधिकारी, जिन्सी प्रमुख राजेश ठाकुर, लेखा अधिकृत दिव्या सर्राफ र सागर देवी फर्मा हेटौँडा तथा उक्त फर्माका प्रोपाइटर विमलेश शाह छन् ।
अख्तियारले दायर गरेको मुद्दामा उनीहरूसँग ५१ लाख ९९ हजार १२० रुपैयाँ बिगो मागदाबी गरिएको छ ।
कलैया उपमहानगरपालिकाको कार्यालयले आर्थिक वर्ष २०७७र७८ र २०७८र७९ को लागि सेनिटरी प्याड खरिदमा अनियमितता गरेको भन्ने उजुरी परेपछि अख्तियारले अनुसन्धान अघि बढाएको थियो ।
अनुसन्धान हुँदा उनीहरूले मिलोमतोमा आर्थिक वर्ष २०७७र७८ मा सेनिटरी प्याड खरिद गर्दा सार्वजनिक खरिद नियमावली एवं सेनिटरी प्याड ९वितरण तथा व्यवस्थापन० कार्यविधि पालना नगरी आर्थिक अनियमितता गरेको पाइएको थियो ।
सेनिटरी प्याडको अस्वभाविक मूल्य प्रतिप्याकेट ७९।१ रुपैयाँ कायम गरी लागत इस्टिमेट स्वीकृत गराएको, आपसी मिलेमतोमा एकै परिवारको नाममा रहेका तीन फरक फर्महरूको बोलपत्र पेस गरी प्रतिप्याकेट सेनिटरी प्याडको मूल्य ७८ रुपैयाँ कायम गरी ठेक्का दिएको पाइएको अख्तियारले जनाएको छ ।
आर्थिक वर्ष २०७८र७९ मा सोही कम्पनीको सेनिटरी प्याड खरिद गर्दा प्रतिप्याकेट २४ रुपैयाँमा खरिद गरेको देखिएकोले पछिल्लो वर्षभन्दा अघिल्लो वर्ष प्रतिप्याकेटमा ५४ रुपैयाँका दरले ९६ हजार २८० प्याकेटमा ५१ लाख ९९ हजार १२० रुपैयाँ बढी भुक्तानी गरेको पाइएको अख्तियारले जनाएको छ ।
