पोखरा । सूर्यदर्शन सहकारी प्रकरणका आरोपी लीला पछाई पनि धरौटी बुझाएर आज रिहा भएकी छन् ।
बिहीबार जिल्ला अदालतले धरौटीमा रिहा गर्न भनेता पनि धरौटी रकम जम्मा गर्न नसकेपछि कारागार चलान भएकी थिइन् । न्यायधीश नीतिज राईको इजलासले पछाईसहित सात प्रतिवादीलाई धरौटीमा रिहा गर्न आदेश दिएको थियो । तर, पछाईबाहेकका प्रतिवादी भने बिहीबार नै रिहा भए ।
३७ लाख धरौटी माग गरिएकी पछाई भने शुक्रबार मात्रै रिहा भएकी हुन् ।
