काठमाडौं ।नेपाली कांग्रेसको ‘समुदायमा कांग्रेस’ अभियान अन्तर्गत केन्द्रीय नेतृत्व जिल्ला–जिल्लामा पुगेको छ। सोमबार केन्द्रीय सदस्य तथा पूर्व खेलकुदमन्त्री राजन केसीले मकवानपुरमा जनतासँग प्रत्यक्ष सात्क्षात्कार गरी जनताको गुनासो सुन्ने र कार्यान्वयन तह सम्म पर्याउने यो अभियान सुरुवात गरेको बताउँनुभयो । उहाँले भन्नुभयो,’ पाटीप्रति जनताको बुझाई, अपेक्षा र कांग्रेसले सुधार गर्नुपर्ने कुरा बुझ्न अभियान शुरु गरेको हो । जनताबाट आएका गुनासा र सुझावलाई कार्यान्वयनको लागि पहल कदमी लिने र महासमिती बैठकमा एजेण्डा बनाई छलफल गर्नेछौ ‘। त्यस्तै उहाँले केन्द्रको मर्म अनुसार काम गर्न जिल्ला कार्यसमितीलाई निर्देशन समेत दिनुभयो ।
केन्द्रीय प्रतिनिधि, प्रदेशले तोकेको पदाधिकारी भिन्न–भिन्न समुदायका बिचमा भ्रमण, भेटघाट र छलफल गर्नुहुने कार्यक्रम सहभागी छन् । कार्यक्रम माघ २६ गते सुशील कोइराला स्मृति दिवससम्म रहन कांग्रेसले जनाएको छ ।
कुन नेता कहाँ खटिए ?
कोशी प्रदेशको झापा र सुनसरीमा डा। शेखर कोइराला, संखुवासभा, भोजपुर, तेह्रथुम र धनकुटामा डा। नारायण खड्का, मोरङ, ताप्लेजुङ, पाँचथर, इलाम, ओखलढुङ्गा र उदयपुरमा बलबहादुर केसी छन् ।
मधेश र बागमती प्रदेशका जिल्लाहरु महोत्तरी, सिराहा, सप्तरी, धनुषा, सिन्धुली र मकवानपुरमा प्रकाशमान सिंह, बारा, पर्सा, रौतहट, सर्लाही, धादिङ र चितवनमा महालक्ष्मी उपाध्याय ‘डिना’ रहेका छन् । यस्तै हेटौडामा रहने कार्यक्रमको लागी राजन केसी सोमबार जाने कार्यक्रम छ ।
यस्तै, काठमाडौं, काभ्रे, सिन्धुपाल्चोक, नुवाकोट र रसुवामा डा। मिनेन्द्र रिजाल, ललितपुर, भक्तपुर, रामेछाप र दोलखामा पुष्पा भुसाल, तनहुँ, लमजुङ, गोरखा, पर्वत र नवलपुरमा महेन्द्र यादव, कास्की, स्याङ्जा, म्याग्दी र बागलुङमा प्रदीप पौडेल, रुपन्देही, अर्घाखाँची, दाङ, पाल्पा, बाँके र रोल्पामा विमलेन्द्र निधि, कपिलवस्तु, गुल्मी, रुकुम ९पूर्व०, बर्दिया, प्युठान र नवलपरासीमा डा। डिला संग्रौला छन् ।
यसैगरी, कर्णालीको दैलेख, सल्यान र सुर्खेतमा डा। शशांक कोइराला, सुदूरपश्चिमको कैलाली, डोटी, अछाम, बझाङ, डडेलधुरा, दार्चुला, बैतडी, बाजुरा र कञ्चनपुरमा भिष्मराज आङदेम्बे रहेका छन् ।
