सोमबार एकैदिन ४ वटा संसदीय समितिको बैठक

काठमाडौँ । सोमबार एकैदिन ४ वटा संसदीय समितिको बैठक बस्दैछन् । जसअनुसार बिहान ८ बजे कानुन, न्याय तथा संसदीय मामिला समितिको बैठक बसेको छ । बैठकमा केही नेपाल ऐनलाई संशोधन गर्न बनेको विधेयकको सम्बन्धमा सरोकारवाला, संघ, संस्था लगायतसँग छलफल हुनेछ । ११ बजे बस्ने कृषि, सहकारी तथा प्राकृतिक श्रोत समितिको र स्वास्थ्य तथा सूचना प्रविधि समितिबैठक एकैपटक बस्दैछन् । कृषि, सहकारी तथा प्राकृतिक श्रोत समितिको खाद्य स्वच्छता तथा गुणस्तर विधेयकमा संशोधन राख्ने संशोधनकर्ता सदस्यहरूसँग छलफल हुनेछ । त्यस्तै शिक्षा, स्वास्थ्य तथा सूचना प्रविधि समितिको बैठकमा केही नेपाल ऐनलाई संशोधन गर्न बनेको विधेयकको सम्बन्धमा सरोकारवाला संघसंस्थाहरुसँग छलफल हुनेछ । दिउँसो साढे १ बजे बस्ने राष्ट्रिय सरोकार तथा समन्वय समितिको बैठकमा नेपालमा जनसङ्ख्याको हालको अवस्थाअनुसार जनसङ्ख्या नीतिमा गर्नुपर्ने पुनरावलोकन र सरकारको तयारी सम्बन्धमा छलफल हुनेछ ।