आज अन्तर्राष्ट्रिय महिला दिवस, महिलाको आर्थिक पहुँचमा जोड दिनुपर्ने सरोकारवलाको जोड

काठमाडौँ । आज आठ मार्च, अर्थात् अन्तर्राष्ट्रिय महिला दिवस ।र्राष्ट्रिय तथा अन्तर्राष्ट्रिय रुपमा विश्वभर विविध कार्यक्रम गरी आज ११४ औँ अन्तर्राष्ट्रिय महिला दिवस मनाइँदै छ । यस वर्षको महिला दिवसको नारा महिलामा लगानी, सभ्य र समुन्नत समाजको थालनी’ दिइएको छ । दिवसका अवसरमा नेपालमा पनि विविध कार्यक्रमहरू आयोजना गरिँदै छ । महिलाहरुलाई आर्थिक स्वतन्त्रता, आर्थिक पहँुच हुने सके मात्र यस्ता दिबसले सार्थकता पाउने सरोकारवलाले जोड दिने गरेका छन् ।
हरेक वर्ष मार्च ८ तारिखका दिन यो दिवस मनाउने गरिन्छ । नारी मुक्ति आन्दोलनकी अभियन्ता क्लारा जेट्किनले सन् १९११ मार्च ८ मा महिला कामदारमाथि भएको श्रम शोषणविरुद्ध आवाज उठाएको दिनको स्मरणमा विश्वभर महिला दिवस मनाउने प्रचलन छ ।