काठमाडौं । नेकपा (एमाले)का अध्यक्ष केपी शर्मा ओली आइतबार बिहान प्रधानमन्त्रीमा नियुक्त हुने भएका छन् । राष्ट्रपतिको सचिवालयका अनुसार राष्ट्रपति रामचन्द्र पौडेलले ओलीलाई आइतबार बिहान प्रधानमन्त्रीमा नियुक्त गर्न लागेका हुन् ।
ओलीले भोलि दिउँसो प्रधानमन्त्री पदको शपथ लिने कार्यक्रम तय भएको राष्ट्रपतिको सचिवालयले जनाएको छ । पद तथा गोपनीयताको शपथ लिएलगत्तै उनले पदभार ग्रहण गर्नेछन् । हिजो राती राष्ट्रपति नेपालको संविधानको धारा ७६ (२)अनुसार नयाँ सरकार गठनको आह्वान गरेका हुन् ।
