सुदूरपश्चिम । दार्चुलाकी एक किशोरी महाकाली नदीमा हाम फालेर बेपत्ता भएकी छन् । जिल्ला प्रहरी कार्यालय दार्चुलाका प्रवक्ता ज्ञानेन्द्र सिंहका अनुसार शनिबार साँझ दार्चुलाको दुहु गाउँपालिका–४ थारा बस्ने १७ वर्षीया किशोरी धनिसा कुँवरले महाकाली नगरपालिका–४ रिङ्नेताल भन्ने ठाउँबाट नदीमा हाम फालेकी थिइन् ।
उनी हाम फाल्न भनेर नदीको किनारमा पुगेको भनेर स्थानीयले खबर गरेपछि जिल्ला प्रहरी कार्यालयबाट प्रहरी टोली त्यहाँ पुगेको थियो ।
प्रहरी र स्थानीयले उनलाई सम्झाइबुझाइ गरेका थिए । तर, नमानेपछि उनलाई समात्न एक प्रहरी नजिकै गएका थिए । त्यही बेला कुँवरले नदीमा हाम फालेकी थिइन् ।
