काठमाडौं । यो वर्ष सन् २०२४० जनवरीयता डेंगी संक्रमण ७४ जिल्लामा फैलिएको छ । अगस्ट १९ सम्म चार हजार ९७ जनामा संक्रमण पुष्टि भएको छ । यो अवधिमा डेंगीबाट दुईजनाको मृत्यु भएको इपिडिमियोलोजी तथा रोग नियन्त्रण महाशाखा (ईडीसीडी)जनाएको छ ।
गण्डकी प्रदेशमा सबैभन्दा धेरै एक हजार ६६९ जनामा संक्रमण देखिएको छ । जिल्लागत रूपमा तनहुँमा सबैभन्दा धेरै ७८१ जनामा संक्रमण पुष्टि भएको ईडीसीडीले जनाएको छ ।
काठमाडौंमा ३८०, कास्कीमा ३५१, पर्वतमा १७७, चितवनमा १५७ र झापामा १४९ जना संक्रमित भएका छन् । यीबाहेक अरू जिल्लामा संक्रमितको संख्या १०० भन्दा कम छ ।
मुस्ताङ, हुम्ला र जुम्लाबाहेक सबै जिल्लामा डेंगी देखिएको ईडीसीडीले जनाएको छ ।
