पोखरा । गण्डकी प्रदेशको वन मन्त्रीमा काँग्रेसका भेषबहादुर पौडेल नियुक्त भएका छन् ।
स्वतन्त्र सांसद राजीव गुरुङ उर्फ दीपक मनाङेले राजीनामा दिएपछि मुख्यमन्त्री सुरेन्द्रराज पाण्डेले पौडेललाई नियुक्त गरेका हुन् ।
योसँगै गण्डकी सरकारले पूर्णता पाएको छ । पौडेलको आजै शपथ लिने कार्यक्रम रहेको छ ।
मनाङेले भौतिकबाट वनमा सारेपछि मन्त्री पदबाटै राजीनामा दिनुभएको थियो । गण्डकीमा हाल ९ वटा मन्त्रालय छ। जसमा काङ्ग्रेसबाट ४, एमालेबाट ४ र नेपाल समाजवादीबाट एक जना मन्त्री बनेका छन् ।
