काठमाडौं । ‘जेनजी’ पुस्ताको प्रदर्शनका क्रममा आगजनी र तोडफोडबाट कास्कीको पोखराका जिल्ला प्रशासनसहित सरकारी कार्यालयहरू खण्डहर भएका छन् ।
प्रदेश लोकसेवा कार्यालय, प्रेस रजिस्ट्रारको कार्यालय, कारागार कार्यालय, कास्की जिल्ला अदालतको अवस्था दयनीय छ । सबै सरकारी कार्यालय भग्नावशेषमा परिणत भएका छन् । आगजनीका कारण भएको क्षतिको मूल्यांकन समेत हुन सकेको छैन । उच्च अदालत पोखरासहितका सरकारी निकाय यति बेला खरानी बनेका छन् ।
नेपाली सेनाले सुरक्षा स्थिति नियन्त्रणमा लिएसँगै आमनागरिक आवतजावतका निम्ति बाहिर निस्किन थालेका छन् । अझै समाजमा त्रास कायम छ ।
सरकारी कार्यालय जलेर नष्ट भएसँगै सेवा प्रवाहमा चुनौती थपिएको छ । साथै, अन्तरिम सरकार गठनमा ढिलाइ हुँदा समस्या झनै बढिरहेको छ । न्युज एजेन्सी नेपाल
