काठमाडौं। हालैका आन्दोलनका क्रममा भएका भौतिक तथा अन्य क्षतिको बीमा दाबी रकम बुधबारसम्म करिब रू.२३ अर्ब २२ करोड ८७ लाख पुगेको छ।
विमा प्राधिकरणका अनुसार विभिन्न १४ निर्जीवन बीमा कम्पनी र चार लघु निर्जीवन बीमा कम्पनीमा परेका कुल ३ हजार ९९ वटा दाबीका लागि सो रकम माग गरिएको हो।
ती दाबीमध्ये बुधबारसम्म करिब रू। १ अर्ब २९ करोड १९ लाख भुक्तानी गरिएको प्राधिकरणले जनाएको छ। यसमा अग्रिम भुक्तानी रकम पनि समावेश छ।
क्षतिको विवरण संकलनका लागि निर्जीवन बीमा कम्पनीहरूले हालसम्म २ हजार ७०६ जना सर्भेयर खटाएका छन्। तीमध्ये ३७४ वटा सर्भे प्रतिवेदन तयारी भई कम्पनीहरूमा पेश भइसकेका छन्।
प्राधिकरणका अनुसार बाँकी दाबीको सर्भे र मूल्याङ्कन प्रक्रिया जारी छ।
