नयाँ दिल्ली । शाहरुख खानको आगामी फिल्म डंकी प्रदर्शनको लागि तयार छ । फिल्म रिलिज हुन अब ३ दिन बाँकी छ । एड्भान्स बूकिङमा यो फिल्मले राम्रो रेस्पोन्स पाइरहेको छ ।
थ्री इडिएट्स, पीके र सञ्जू जस्ता ठूला फिल्म बनाइसकेका राजकुममार हिरानीको साथमा शाहरुख खानको यो पहिलो फिल्म हो । फिल्म निकै इमोशनल भएको टे«लरले देखाएको छ । फिल्ममा कमेडीको डोज पनि भरपुर छ । सफल निर्देशक र अभिनेताको जोडीलाई हेर्न दर्शकहरु तम्तयार भएर बसेका छन् ।
फिल्म मेकरहरुले शनिबार फिल्मको एड्भान्स बूकिङको आधिकारिक घोषणा गरेका थिए । भारतीय सञ्चार माध्यमहरुमा छापिएका खबरअनुसार नेशनल मल्टीप्लेक्स चेनमा फिल्मको ६६ हजार वटा टिकट बिक्री भइसकेको छ । समग्रमा चाँहि दुई दिनमा फिल्मको डेढ लाखभन्दा धेरै टिकट विक्री भएको सैकनिल्कले बताएको छ । एड्भान्स बूकिङबाट मात्रै फिल्मले ५ करोड भारुभन्दा धेरैको कलेक्शन गरिसकेको छ । एड्भान्स बूकिङको टे«न्ड हेर्दा डंकीले पहिलो दिनमा ३० देखि ३५ करोड भारुबीचको कमाई गर्ने देखिन्छ ।
डंकी यो वर्ष फिल्म हलमा आएको शाहरुखको तेस्रो फिल्म हुनेछ ।
