काठमाडौं। विश्व स्वास्थ्य सङ्गठन (डबलुएचओ) का अनुसार कोरोनाको नयाँ सब(भेरियन्ट जेएन डट वान हालसम्म नेपाल सहित विश्वका ४० भन्दा धेरै देशमा फैलिसकेको छ ।
नेपालमा कोरोना भाइरसको नयाँ सब(भेरियन्ट जेएन डट वान पुष्टि भएको छ । चिकित्सकका अनुसार जेएन डट वान ओमिक्रोन भेरियन्टको नयाँ स्वरूप हो।
नेपालमा कोरोनाको नयाँ सब(भेरियन्ट पहिलेको जस्तै फैलिने हो की भन्ने धेरैले आशङ्का छ । डबलुएचओले पनि यो भाइरसलाई कम घातका रूपमा वर्गीकरण गरेको छ । टेकुस्थित शुक्रराज ट्रपिकल तथा सरुवा रोग अस्पतालमा कोभिडको बिरामीको भर्ना र उपचार गराउने बिरामीको दर बढ्दै गएको छ ।
ज्वरो आउने, खोकी लाग्ने, नाकबाट बग्ने, घाँटी दुख्ने, शरीर दुख्ने र थकान हुने यो भेरियन्टका मुख्य लक्षण हुन् ।
यो भाइरस धेरै सङ्क्रमण भएपनि कम घातक भनिएका छ । तर,जोखिम वर्ग ज्येष्ठ नागरिक, गर्भवती महिला, स्वास्थ्यकर्मी,रोगप्रतिरोधात्मक क्षमता कम भएका मानिसमा यो भाइरसको जोखिम बढी हुने चिकित्सकले बताउने गरेका छन् ।
वृद्धवृद्धा,दीर्घरोगी,गर्भवती रोग प्रतिरोधात्मक क्षमता कम भएका मानिसलाई रोगको जोखिम कमगर्न कोरोना विरुद्धको खोप लगाउन अस्पतालले आग्रह छ ।
नेपालमा कोरोनाले १० लाख तीन हजार ३६१ जना सङ्क्रमित भैसकेका छन् भने १२ हजार ३१ जना सङ्क्रमितको मृत्यु भएको छ । सरकारले ९० प्रतिशत जनसङ्ख्यालाई पहिलोमात्र खोप लगाइसकेको जनाएको छ ।
