सुर्खेत । नेपाली कांग्रेसको १५औँ महाधिवेशनअन्तर्गत सुर्खेत निर्वाचन क्षेत्र नं. १ बाट १८ वर्षीय कमल परियार कर्णाली प्रदेश महाधिवेशन प्रतिनिधिमा सर्वसम्मत निर्वाचित भएका छन्।
सिम्ता गाउँपालिकाको ग्रामीण परिवेशमा सामान्य किसान परिवारमा हुर्किएका परियारको परिवारमा यसअघि कुनै राजनीतिक पृष्ठभूमि थिएन। तर, सानै उमेरदेखि सामाजिक तथा राजनीतिक गतिविधिमा सक्रिय उनी बाल कांग्रेस हुँदै विद्यार्थी र युवा संगठन तथा विभिन्न सामाजिक अभियानमा जोडिँदै आएका छन्।
