काठमाडौं । धितोपत्र दोस्रो बजार मापक नेप्से परिसूचक दोहोरो अंकले घटेको छ।
नेप्से ५५.८६ अंकले घटेर २६४६.०३ विन्दुमा बन्द भएको हो।
यस दिन २२ कम्पनीको सेयर मूल्य बढेको छ । २२२ कम्पनीको सेयर मूल्य घटेको नेपाल स्टक एक्सचेन्जले जनाएको छ ।
नेप्से परिसूचकसँगै कारोबार रकम पनि घटेको छ । नौ अर्ब ४३ करोड ९१ लाख रुपैयाँको सेयर कारोबार भएको छ । आइतबार १० अर्ब १२ करोड रुपैयाँभन्दा बढीको सेयर कारोबार भएको थियो ।
हाथवे इन्भेस्टमेन्ट नेपाल लिमिटेडको सेयर मूल्य ८.९८ प्रतिशतले वृद्धि भएको छ ।
कारोबारमा आएका १३ वटै समूहगत परिसूचक घटेको छ । परिसूचक सर्वाधिक घट्नेमा होटेल तथा पर्यटन समूह छ । आज कारोबारमा आएका १३ वटा समूहगत परिसूचकमध्ये सबै समूहको परिसूचक घट्दा समग्र नेप्से घटेको हो।
